Хушга, шоколадны төгс зохицол болсон брауни хэрхэн хийх вэ?

Хушга, шоколадтай брауни /9 ширхэг/

Гэрийн нөхцөлд эрүүл, органик орц найрлагаар хялбар хийх шоколаданд дурлагсад хэн бүхэнд зориулсан амтат брауни хийх жорыг танд хүргэж байна. Та өөрийн дуртай амттаныг NOW Органик хүнсний аллюлоз, какаоны нунтаг, кокосны элсэн чихэр болон шаржигнасан түүхий хушгаар баяжуулж хийснээр илүү амттай, илүү эрүүл болгох боломжтой. 

Орц: 

110г давсгүй цөцгийн тос

3 хоолны халбага ургамлын тос

25г хар шоколадны чип

½ аяга органик аллюлоз (Slender Zero Allulose)

½ аяга органик кокосны элсэн чихэр (Coconut Sugar)

2 өндөг

1 өндөгний шар

1 хоолны халбага ванилийн ханд

⅔ аяга гурил

¼ аяга какао нунтаг (Cacao Powder, Raw & Organic)

½ цайны халбага давс

⅔ аяга түүхий хушга 

Заавар:

1. Шарах шүүгээгээ 180 градуст урьдчилан халаана. Илгэн цаасаар листээ бүрж бага зэрэг тосолно ингэхдээ шүршигч тос бага зэрэг шүршиж болно. Зуурмагийг бэлдэхдээ эхлээд гурил, нунтаг какао болон давсаа хольж түр амраана. 
2. Цөцгийн тос, ургамлын тос, шоколадны чипыг нэг саванд хийн дунд зэргийн галаар шоколадыг хайлах хүртэл сайтар хутгана.
3. Хайлсан шоколад дээр аллюлоз болон кокосны элсэн чихрийг нэмж хутгана. Үүний дараа 2 өндөг ба өндөгний шарыг нэг нэгээр нь хийж гараараа сайтар хутгах хэрэгтэй. Энэхүү зуурмаг дээр ванилийн ханд, болон өмнө нь бэлдсэн гурил какаоны зуурмагийг нэмж холино. (Ингэхдээ хэтрүүлэн хутгаж болохгүйг анхаарна уу)
4. Зуурмагийг лист дээр жигд тараасны дараа жижиглэж хэрчсэн хушгыг дээр нь тавина. 22 минутын турш жигнэсний эцэст брауниг тасалгааны температурт 30 минутын турш хөргөн идэхэд бэлэн болно. 

Жич: 

Хэрэв танд органик аллюлоз (Slender Zero Allulose) олдоход хэцүү байгаа бол үүнийг Now Foods-н Лам жимсний сахар орлуулагчаар орлуулах боломжтой. Мөн органик кокосны элсэн чихэрийн (Coconut Sugar) оронд агч модны сироп, бор сахарыг хэрэглэж болно. Та NOW Foods органик түүхий хушгыг энэхүү линкээр https://nowfoods.mn/products/131566/357167 орж 20% хөнгөлттэй худалдан аваарай.